ukkosha.shosh.uz "Мўйи Муборак" "Уккоша" жомеъ масжиди
“Юртимизнинг баъзи солиҳ кишилари томонидан тавсия қилинган насиҳатни сизларга етказмоқчиман.
Шаҳримизда жуда кўп солиҳ инсонлар бор, мен уларнинг авлиё зотлардан эканига ишонаман. Улар мендан юртимиздаги дўстларимизга ўн беш кун давомида ҳар куни Бомдод намозидан кейин «Ёсин» сурасини тиловат қилиб, сўнгида 100 марта истиғфор айтиб туришлари кераклигини етказиб қўйишимни талаб қилдилар.
Истиғфорнинг қайсинисини айтсалар ҳам бўлаверади. Масалан “Астағфируллоҳ ал-Азийм ва асъалуҳуттавба”ни айтишлари ҳам мумкин. Буни Аллоҳдан енгиллик беришини ва бу қийинчиликлардан бизларни тезроқ қутқаришини сўраб ўқишлари керак.
Мендан шу нарсаларни сизларга етказиб қўйиш талаб қилинди.
Солиҳ инсонлар биладилар. Бу ишларнинг фазилати борлигини улар ҳис қиладилар. Бориъ азза ва жалла бу ишнинг фазли баракотини уларга билдирган.
Албатта, шаҳримиз одамлари бунга эргашадилар ва улар бундан умидворлар. Шаҳримиз одамлари диний томондан ҳам дунёвий томондан ҳам бу ишдан умидвордирлар. Яна Аллоҳнинг Ўзи яхши билади.
Бизлар Аллоҳ азза ва жалланинг зикрини кўпайтиришга жуда ҳам муҳтожмиз.
Биз Уни кўп зикр қилишимиз керак”.
Имом Бутий суҳбатидан Абдуллоҳ Ғуломов эркин таржимаси
