ukkosha.shosh.uz "Мўйи Муборак" "Уккоша" жомеъ масжиди
Байт:
Осойиши тан ғофилам аз ёди Худо кард,
Ҳамворийи ин роҳ маро сар ба ҳаво кард.
Таржимаси: Танимнинг саломатлиги мени Худонинг ёдидан ғофил қилди. Бу йўлнинг теккислиги менинг бошимни тепага қаратиб қўйди.
Инсоннинг саломатлиги кўпинча, кибру ғурур қилишга, кеккайишга, бу неъматни берган Зотни ёдга олмасликка сабаб бўлади. Ҳазрат Соиб ҳеч бемор бўлмасдан доим сиҳат-саломатлик билан юрган кишини чуқурлари йўқ теккис йўлдан кетаётган кишига ўхшатмоқда. Бундай киши умуман пастга қарамай, тўғрига қараб кетаверади. Балки осмонга қараб юрса ҳам қоқилмайди. Аллоҳ таоло Ўзини эслатиш, бандасини кибрдан сақлаш учун гоҳ-гоҳида уни беморликларга мубтало қиладики, бу унинг учун айни меҳрибонликдир. Бундай қилиш билан Аллоҳ таоло бандани дунё ва охират ҳалокатидан сақлаб қолади. Биламизки, йўл ҳодисаларининг содир бўлишига кўпроқ йўлнинг ўнқир-чўнқирлиги эмас, балки унинг ўта теккислиги сабаб бўлади (Мунтахаботи ашъори Соиб, 56-б).
Ёрқинжон Фозилов таржимаси
